Dr Gsetzgäber het mit em Stüürvränderigsgsetz 2015

d Vorschrift vom Artiggel 2b ins Umsatzstüürgsetz iigfiegt. Dodinne isch d Umsatzbstüürig vo juristische Persone vom öffentlige Rächt gänderet worde. Noch däm sin Leischtige vo ebbe däne Persone, wo uf dr Grundlag vom Privaträcht gmacht worde sin, in dr Zuekunft umsatzstüürbar. Witr mien sie sie im Bligg uf d Aawändbarkeit vo Stüürbefreiige und em Umsatzstüürsatz, wo me awände ka, übrpriefe. Em nid-unternähmerische Berich muess me gründsätzlig die Tätigkeite zuordne, wo im Rahme vo ere öffentlig-rächtlige Sunderregelig gmacht werde. Wenn abr die Nid-Bestüürig zu Wettbewärbsvrzerrige fiehre sotti, soll au dötte d Umsatzbestüürig glich zelle.

Das fiehrt zu eme Paradigmawäggsel. Bis do aane het me Tätigkeite vo dr öffentlige Hand und vo dr Kirche grundsätzlig bsunders behandlet und dodemit isch d Umsatzstüürpflicht maischtens e Uusnahm gsie.

In dr Zuekunft gälte alli Tätigkeite vo ere jurischtische Person vom öffentlige Rächt als umsatzstüürpflichtig, usser es liggt e bsunderi Laischtig vor. Die neui Regelig ka me allgemein für Laischtige, wo ab em 1. Jänner 2017 gmacht worde sin, awände.

Bis zum 31. Dezämber 2016 het d’juristischi Person vom öffentlige Rächt könne bim zueständige Finanzamt abkläre, ob sie s bishärige Rächt bis und mit 2020 gültig mache ka. Die Option ka aber während däre Übrgangsziit widrruefe wärde, was Uswirggige ufs folgende Kaländerjoor ha wird. Dä Widrruef ka numme für alli unternähmerische Tätigkeite gmacht wärde. E wiedr Zruggwäggsle zum alte Rächt isch denne nümme möglig.

Es isch menschlig, grossi Herusforderige vor sich härzschiebe.

Grad im öffentlige Sektor hets maischtens zwenig Personal. Die vorhandene Lüüt sin mit de laufende Ufgobe scho usglaschtet. Dorum isch es nid vrstuunlig, dass die maischte juristische Persone vom öffentlige Rächt d'»Option» gwählt hän.

Abr glich sötte sich alli Betroffene scho ab em Joor 2017 Gedangge zu dr Umsetzig vo dr Neuregelig mache und mit dr Umsetzig dodezue afo. So ka’s si, dass me mit de neue Regelige scho vorem 31.12.2020 afo ka.

Scho numme in Baden-Württemberg mien übr 1.100 Gmeinde und mindeschtens doppelt so viili kirchligi Institutione sich übrlege, wie sie die neue Reglige wän umsetze. Dodebi mien sie mit eme «Screening» alli Iinahme uf ihri umstatzstüürligi Relevanz in dr neue Regelig aaluege und die rächtligi und vrtragligi Grundlag muess au no beruggsichtigt wärde. Im witere muess me s mögligi korrespondierendi Vorstüürabzugsvolume in Zahle fasse. Denne ka me d Vorussetzige für e Software mache, Prozäss definiere und d’Mitarbeiter instruiere.

Mir unterstütze Sie bi dr Implementierig vo dr Neuregelig: Vo dr Erstellig vo eme Projäggtkonzäpt übr d’Analyse und dr stüürlige Bewärtig vo Tätigkeite bis zu dr Schuelig vo de Mitarbeiter, dr Koordination mit de Software-Beroter und dr praktische Erstellig vo dr Umsatzstüürvoramäldig.

Alli Beteiligte sölle sich drübr im Klaare si, dass noch dr Umstellig – das isch also spötischtens am 1. Jänner 2021 – für alli juristische Persone vom öffentlige Rächt genau die gliich Spiilregle gälte wie für d’Unternähme. Das beinhaltet au die strofrächtligi Vrfolgig vo Vrantwortlige für e falschi Umsatzstüürerklärig. Dorum sött bi dr Umsetzug vo de Neureglige au e „Tax Compliance System“ installiert wärde. Das System söll debi hälfe so Konsequänze zvrmiide.

Gärn stöhn mir Ihne, vrträtte dure Herr Ludger Rankers für e unverbindligs Erschtgspröch zur Verfiegig.