Sie sin
UNTERNÄHMER.

WAS LEISTE MIR FÜR SIE?

Das hänggt vo Ihrene Bedürfniss ab!
Sin Sie Einzelunternähmer/Gewärbetribende?
Sin Sie e mittelständigs Unternähme in dr Region?
Sin Sie e Muettrgsellschaft vo ere dütsche Dochtrgsellschaft us em Usland?


Mir setzte unsere Schwerpunkt uf d›Berotig vo glaine und mittelständige Betrieb,
uf d›
Revision vo mittelgrosse Gsellschafte und au uf d›Stüürberotig vo französischi/schwiizerischi Konzärn/Konzärndöchtr mit internationale Froogestellige.

BETRIEBSWIRTSCHAFT


D’LOEBA Treuhand GmbH Wirtschaftspriefigsgsellschaft Stüürberotigsgsellschaft het in de letschte baar Joorzähnt vyyli Spezialdienstleischtige, Know-how und langjöörigi Expertise in dr Berootig entwigglet. Vo däne Entwicklige ka au Ihr Unternähme profitiere. Will mir unterstütze Sie in vyylne betriebswirtschaftlige Froogestellige und das für Sie als Privatperson aber au als Einzelunternähmer oder au als Persone- und Kapitalgsellschaft.

MIR BEGLEITE SIE BI:


  • Unternähmenskauf und -vrkauf
  • Due Diligence Priefige
  • Unternähmensbewärtige
  • Finanz- und Liquiditätsplanige
  • Businessplän
  • Finanz- und Kosterechnige
  • Interässenwahrig
  • Unterstützig bi Gründige
  • Nochfolgeplanig und -regelig

FINANZBUECHHALTIG


Die wichtigschti Datequelle für Ihri Unternähmensstüürig isch d Finanzbuechhaltig, will s Rächnigswäse isch d Basis für wichtigi Entscheidige. Dodezue ghöre Uftragsbuechfiehrige, Iinahme-Übrschuss-Rechnige, Bilanzierig odr au Uswärtig vo de Date.

Mithilf vo eme effiziente Rächnigswäse, wo mir für Sie fiehre, könne Sie gschwind uf Vränderige reagiere und hän so e Vorsprung vor Ihrne Konkurrente.

Sälbschtvrschtändlig erledige mit alli Aglägeheite in dr Finanz-, Lohn- und Ghaltsbuechhaltig frischtgrächt und ornigsgmäss.

MIR HÄLFE BI:


  • Kontierig vo de laufende Gschäftsfäll und EDV-gerächte Erfassig abr au vo de laufende Abstimmig vo de Konte
  • Vrwaltig vo de offene Poschte vo Kunde und Lieferante näbe dr Durefiehrig vom Zahligsvrkehr im Kreditore-Berich
  • Informatione übr Ihre Gschäftsvrlauf (u. a. betriebswirtschaftligi Uswärtige)
  • Erstellig vo kurzfrischtige Erfolgsrächnige
  • Erstellig vo branchenspezifische Vrglichskennzahle
  • Fiehre vo dr Aalagebuechhaltig

Bruche Sie witeri Informatione?


Folgendi Asprächspartner stöhn Ihnen
zum Thema Finanzbuchhaltig
in unserem Huus zur Verfiegig:

LOHNBUCHHALTIG


D’Lohn- und Ghaltsbuechfiehrig isch e zyytligi- und koschteintensivi Arbet. Die ständige Änderige im Rächt und dodure, dass sie au immer komplexer wird, mache d Buechfiehrig nid aifacher. Grad glaini und mittelgrossi Unternähme hän oft kai Kapazität das zmache. D’LOEBA Treuhand GmbH stoht Ihne dodebi als persönlige Partner gärn bi Froge zur Site.

Natürlig erledige mir alli Aglägeheite in däre Sach frischtgrächt und ornigsgmäss.

UNSERI HILF FÜR SIE:


  • Teilnahm an Lohnstüürpriefige durch die dütschi Finanzbehörde
  • Ghaltsabrächnigen für d’Aagschtellte und fürs Top-Management (damit die eigene Mitarbeiter keini Details erfahre)
  • Teilnahm an Sozialvrsicherigspriefige durch die dütschi Sozialvrsicherigsträger
  • Digitali Personalakte: Ustusch vo vrtraulige Dokumänt  vo dr Personalwirtschaft zwüsche Kanzlei und Mandant – aifach, schnäll, sicher
  • Abrächnigswärt ustüschle: Sie könne uns die Date digital zur Verfiegig stelle
  • DATEV Arbetnähmer online: Lohnabrächnig und SV-Nochwiis diräggt de Mitarbeiter online zur Verfiegig stelle
  • Digitali Betriebspriefig vo dr Personalwirtschaft

JOORESABSCHLUSS


Dr Jooresabschluss isch im bsundere für d’Vrmögensvrwaltig do. Er isch abr au untr anderem für Bankgspröch wichtig und isch d Grundlag für d’stüürligi Gwünnermittlig. Unseri Ufgob sehn mir dodinn, für Ihr Unternähme e optimali Gstaltig für Uswis und Bewärtig vom Vrmöge und vo de Vrbindligkeite bi ere stüürlige Würdigung vo Sachvrhalt sichr zstelle. Damit Sie sich uf ihr Kerngschäft konzentriere könne, isch es für Sie maischtens nötig, Unternähmensberich uszlagere. Wurum gän sie dorum Ihre Jooresabschluss nid in d Händ vo Expärte?

Mir übernähmme für Ihr Unternähme d’Erstellig vo de Jooresabschlüss und hälfe Ihne gern bim Ufbau vo eme zuevrlässige und ussagefähige Brichtswäse.

MIR UNTRSTÜTZE SIE BI:


  • dr Erstellig vo Jooresabschlüss, vo Eröffnigsbilanze und vo Zwüscheabschlüss (Monets- und Quartalsabschlüss)
  • dr Offelegig und Hintrlegig vo Jooresabschlüss bim elektronische Bundesazeiger
  • dr Jooresabschlusserstellig mit zuesätzliger Plausibilitätsbeurteilig und entsprächendr Brichterstattig
  • dr Begleitig vo Bankgspröch
  • dr Erstellig vo betriebswirtschaftlige Uswärtige
  • dr Unterstützig vo Ihrne Inhouse-Finanzbuechhaltig (biischpiilswies dr Iirichtig vo dr Finanz-, Alagebuechhaltig und Koschterächnig)

Bruche Sie witeri Informatione?


Folgendi Asprächspartner stöhn Ihne zum Thema Jooresabschlüss in unserem Huus zur Vrfiegig:

STÜÜRBEROTIG


Unseri Stüürexpärte untrstütze Sie bi Erörterige zu stüürstrategische Froogestellige und bi dr Entwigglig vo ziilgrichtete Lösige. Unseri Kompetänz gründet uf ere langfrischtige Zämmearbet zwüsche Ihne und de duurhaft für Sie vrantwortlige Gspröchsüartner us unserer Kanzlei. Mir erreiche Ihri optimali Berotig wäge persönliger Betreuuig, flexibler und mandatsspezifischer Unterstützig und im bsundere wäge ere geziilte Witrbildig vo unsere Mitarbeiter. Mir beantworte Ihri stüürrächtlige Frooge als Ihre Rotgäber fachlig fundiert und vrständlig für Ihre gröscht mögligschte wirtschaftlige Nutze.

D Beruggsichtigung vo gränzübrschritende Sachvrhalt bi Unternähme und Privatpersone isch wäge unserer Gränznöchi sälbschtvrständlig. Wäge unserer Mitglidschaft im HLB-Netzwärk vrfiege mir dodezue übr die notwändige internationle Kontäggt. Mir griffe uf die zrugg, wenn mir in Spezialfäll lokali Untrstützig brüchte.

WAS MIR FÜR SIE LEISTE:


  • Jooresabschlüss & Stüürerklärige für nationali / internationali Unternähme aller Art und Grössi
  • Begleitig vo Betriebspriefige durch d’Finanzbehörde
  • Gründig vo Unternähme – zuesätzlig au vo dütsche Dochter- zämme mit usländische Muettergsellschafte
  • Stüürgschaltendi Berotig, Stüürplanig und Optimierig
  • Umsatzstüürligi Berotig
  • Unternähmensnochfolgegstaltig & Umstrukturierigskonzäpt
  • Gränzübrschritendi Stüürberotig (internationals Stüürrächt)
  • Konzeption vo gsetzteskonforme Vrrächnigspriise / -dokumentatione

WIRTSCHAFTSPRIEFIG


D’Hauptufgob vo eme Wirtschaftspriefer isch ganz allgemein d’Durefiehrig vo betriebswirtschaftlige Priefige und au d’Erteilig vo Priefigsvrmergg übr däre ihri Vornahm und s Ergäbnis. Unser Ufgobesprektrum länggt dodebi vo Jooresabschlusspriefige übr Gschäftsfiegirgs-, Gründigs- und Umwandligspriefige bis zu Kreditwürdigkeitspriefige, Priefige zu Makler- und Bauträgervrordnige (MaBV) und au zu Erneuerbare-Energie-Gsetz (EEG) aber au vielem meh.

Grundsätzlig zällt: d Priefigsgegeständ sin so vrschiede wie dr Bruef sälbr au und sie richte sich immr noch Ihrne Aaforderige und Bedürfnis.

UNSER AUGEMERGG


Mir hän immer die aggtuelle Norme und Gsetzesänderige im Bligg, schaffe mit dr modärnschte Priefigssoftware und de neuschte Priefigskenntniss (z.B. «Big Data») und diverse internationale Rächnigslegigsstandards. Wäge unserer Zueghörigkeit zum HLB-Netzwärgg stöhn uns meh als 600 Partnergsellschafte in meh als 120 Ländr für e schnälli, pragmatischi und kompetänti Untrstützig zur Vrfiegig.

Wäge unserem ganzheitlig usgrichtete Berotigsasatz biete mir Ihne unseri Dienschtleischtige us einere Hand a. Vo Unternähme zu Unternähme uf Augehöchi und diräkt bi Ihne im Unternähme.

Rede Sie mit uns!


Mir lade Sie zum ene persönlige Erschtgspröch y odr kömme Sie zu einere vo unsere Vrastaltige, wo Sie uns kenne lehre könne. Mir biete Qualität, Kompetänz und Engagement zum ene faire Priis-Leischtigs-Vrhältnis. S Honorar für unseri Leischtige berächnet sich uf dr Basis vom Zytufwand resp. dr Stüürberotervrgietigsvrornig (StBVV).

KONTAGGT

Wenn Sie uns per Mail erreiche wänn, könne Sie do Ihri Froge odr Amergigge hintrloh.
Unser Sekretariat beantwortet gärn Ihri Froge odr wirds allefalls dr entsprächende Person witrlaite.

Bitte senden Sie eine E-Mail an:
info(at)loeba.de

LOEBA TREUHAND GMBH
Wirtschaftsprüfungsgesellschaft Steuerberatungsgesellschaft

Wallbrunnstraße 24
79539 Lörrach
Deutschland

Navi-Eingabe
Tiefgaragen-Einfahrt: Kreuzstraße 2